KARRIKAN

Zazpi agentek osatzen dute plataforma hau eta kaleko arteak sortzea eta, neurri txikiagoan, Euskal Herrian (zazpi probintzia historikoetan) zabaltzea da bere helburua.

Ekimen honen jatorria da kaleko arteek Euskal Herrian daukaten egoerari buruzko ikuspegi komuna, non kaleko arteak sortzeari ematen zaizkion laguntzen urritasuna egiaztatzen den, batez ere konpainiei eta hasten ari diren artistei. Ekimen honek, beraz, arlo horretako gabeziak osatu edo hornitu nahi ditu.

NORTZUK GARA

Karrikan-eko bazkideak:

BILBOko Udala (Bizkaia)

GASTEIZko Udala (Araba)

HENDAIAko Herriko Etxea (Lapurdi)

LEIOAko Udala (Bizkaia)

ANTSOAINgo Udala (Nafarroa)

Bazkide elkartuak:

ARRIGORRIAGAko Udala (Bizkaia)

IURRETAko Udala (Bizkaia)

Gipuzkoako DANTZAGUNEA (Errenteria, Gipuzkoa)

PROIEKTUAK EGITEKO LAGUNTZEN DEIALDIA
5. edizioa: 2022-2023
“KARRIKAN”
Kale-arteetako sormenerako laguntzak Euskal Herrian

Proiektuak onartzeko azken eguna: 2022ko martxoaren 25a

2022-2023ko formularioa bete

Zer da KARRIKAN?

KARRIKAN Euskal Herriko artista berrien kaleko-ikuskizunen sorkuntza eta zabalkundea bultzatu nahi duen plataforma da.

Zer sustatu nahi dugu? Hasten ari diren, profesional edo profesional bidean diren eta espazio publikoan ari diren Euskal Herriko (zazpi probintzia historikoak) taldeen, artisten, konpainien sormen­ ‐ lan originalak bultzatu nahi ditu plataformak. Balio berezia emango zaio “kaleko ikuskizuna” kontzeptuari.

Zuzenean egindako ikuskizunen diziplina guztiak onartuko dira: antzerkia, dantza, zirkua, diziplina ugariko ikuskizuna, eta abar. Hala ere, lehentasuna emango zaie testurik gabeko edo euskarazko proiektuei.
Azkenik, formatu txikiko edo ertaineko ikuskizunak baloratuko dira.

AUKERAKETARAKO IRIZPIDEAK

Proiektuen aukeraketan honakoak izango dira erabakigarriak:

  • Planteamendu artistikoaren originaltasuna eta zorroztasuna.
  • Proiektuaren bideragarritasuna.
  • Laguntzen deialdiaren egutegia errespetatzea.
  • Artisten edo konpainiaren bizilekua (Euskal Herriko zazpi probintzia historikoak).
  • Zuzendari profesional baten laguntza edo “kanpoko begirada”.

LAGUNTZAK

Karrikaneko kideek konpromisoa hartzen dute hautatutako proiektua* honela babesteko:

  • 16.000€ eta 18.500€ arteko ekarpen ekonomikoarekin, zergak barne, ikuskizuna sortzeko eta bazkideen ekitaldi eta emanaldietara bideratuko dena. Bazkide elkartuek, bestalde, konpromisoa hartzen dute ikuskizuna 2023 denboraldia amaitu baino lehen programatzeko, bazkideen eta konpainiaren arteko prezio jakin batean.
  • Sorkuntza-egonaldien mugikortasunerako diru-poltsa batekin (dieta2022-2023 DEIALDIA eta garraio gastuak). Gutxienez egonaldi 2 egin beharko dira. Egonaldi posibleak: Antsoain, Gasteiz, Hendaia eta Gipuzkoako Dantzagunea (Errenteria).
  • Laguntza artistiko (kanpoko begiradak) eta teknikorako diru-poltsa batekin.
  • Bitartekaritza ekintzetarako diru-poltsa batekin.
  • Aukeratutako konpainiaren beharretara egokitutako prestakuntzarako diru-poltsa batekin.
  • Sorkuntzaren ikusgarritasunean: Karrikaneko kideek antolatzen dituzten ekitaldi edo jaialdietan programatuz. Hautaketan zehaztuko da emanaldi kopurua, eta gutxienez 5 izango dira.

* Deialdian proiektu bat aukeratuko da. Hautaketa 2022ko urritik aurrera bigarren proiektu batera zabaltzeko aukera dago, eta bigarren geratu den proiektua izango da hautatutakoa. Baieztapena 2022ko irailean egingo da.

Hautagaien konpromisoak

  • Proiektu artistiko bat aurkeztea, beste inon aurkeztu gabea, euskaraz edota testurik gabe. Gutxienez, 20 minutuko iraupena izan beharko du eta 2023ko maiatzean estreinatuko da.
  • Bazkideen espazioetan 2 edo 3 sorkuntza-egonaldi egitea, astebete eta bi asteren artekoak.
  • Aurreaukeratua izanez gero, 2022ko maiatzaren 3an bazkideen eta bazkide elkartuen aurrean proiektua aurkeztu beharko da Gipuzkoako Dantzagunean, Errenterian.
  • Sorkuntza-­prozesuan, espazioetako dinamikan parte hartzea, bitartekaritza­ ‐ ekintzen bidez (topaketak ikusle‐mota ezberdinekin, aurkezpenak, tailerrak…). Ekintza horiek bazkideen eta artisten artean adostuko dira.
  • Jasotako diru-­laguntza fakturen bidez justifikatzko ahalmena izatea. Baldintza hau betetzen ez bada, Karrikanek onuradunari diru-laguntza osorik edo hein batean itzultzeko eska diezaioke.
  • Bazkideekin lankidetzan jardutea prozesuaren jarraipenean (bilerak, galdesorta, ebaluazioak…). Baldintza hau betetzen ez bada, Karrikanek onuradunari diru-laguntza osorik edo hein batean itzultzeko eska diezaioke.
  • Ikuskizunarekin zerikusia duten komunikazio-euskarri guztietan Karrikan-­en logoa jartzea, eta egin beharreko aipamenak egitea. Karrikan proiektuko bazkideen edo bazkide elkartuen jaialdietan parte hartzea proposatutako egunetan. Horretarako, Karrikanek emanaldi edota jaialdien datak ezagutzera eman beharko ditu, beranduenez 2022ko urri bukaeran.

HAUTAGAITZAK aurkeztea

Inprimakia betetzeaz gain, laguntza lortu nahi duten proiektuak formatu digitalean aurkeztu behar dira (gehienez 3 MB), eta gutxienez, hauek eskatuko dira:

  • Proiektuaren aurkezpen zehatza.
  • Talde artistikoaren aurkezpena, kanpoko begirada barne. Ekoizpenerako behin‐behineko aurrekontua.
  • Behin‐behineko beharrizan teknikoak.

Aurkezpena egiteko PROZEDURA

EGUTEGIA

  • 2022ko otsailaren 28tik martxoaren 25era: deialdiaren irekiera.
  • 2022ko apirilaren 4tik 8ra: aukeraketa, erakunde partaideen aldetik.
  • 2022ko maiatzaren 3an, Errenterian, Gipuzkoako Dantzagunean: hitzordua aurreaukeratutako artistekin proiektuen aurkezpenerako.
  • 2022ko maiatzaren 20an, Umore Azokan: Hautatutako konpainiaren iragarkia eta proiektuaren aurkezpen laburra bertaratutako profesionalen aurrean.
  • 2022ko maiatzaren 30etik ekainaren 3ra: hitzordua konpainiekin, ekintzak, egutegia… zehazteko.
  • 2022ko ekaina eta 2023ko apirila artean: sorkuntza-egonaldiak.
  • 2022ko urrian: zein jaialditan parte hartuko duten ezagutzera ematea.
  • 2023ko maiatza: ikuskizunaren estreinaldia.
  • 2023ko maiatzaren eta irailaren artean: ikuskizunen emanaldiak plataformako kideen ekitaldi eta jaialdietan.

HARREMANAK

karrikan.kudeaketa@gmail.com

Naia Muñoz Murua
(0034) 657 71 28 44

Karrikan-eko bazkideak:

  • BILBOko Udala (Bizkaia)
  • GASTEIZko Udala (Araba)
  • HENDAIAko Herriko Etxea (Lapurdi)
  • LEIOAko Udala (Bizkaia)
  • ANTSOAINgo Udala (Nafarroa)

Bazkide elkartuak:

  • ARRIGORRIAGAko Udala (Bizkaia)
  • IURRETAko Udala (Bizkaia)
  • Gipuzkoako DANTZAGUNEA (Errenteria, Gipuzkoa)

Aurreko urteetan hainbat konpainia aukeratu ditu Karrikan plataformak:

  • 2016-2017: Cía Eva Guerrero – El fin de las cosas
  • 2017-2018: Mystérieuses Coiffures -Xori-gizonaren elezaharra-La légende de l’homme oiseau- / Amaia Elizaran -Block-
  • 2018-2019: Collectif Eflirkoa -Echos-
  • 2019-2020: Berdinki -Mikra- / Arriera -Edén-